Dafodils Ṭhazual Fakna Bethsy

Dafodils Ṭhazual Faknaah Lei­tlangpui nula Bethsy-i'n a zawnin pakhatna dinhmun a hauh a, Ṭhazual fakna chhuak hmasa zawka Maggie dinhmun a luahlan hnuin a chung ber aṭang­in 'Min hmangaih si a' tiin min la awi. Pahnihnaah 'Hmangaihna par tlanin' tih hla hmangin Maggie a la awm a, Hmangaihna par hi kan la tlan dawn chauh a nih hmel. Ṭhazual Fakna hnuhnung bera palina Bete-a'n pen khata hma rawn sawnin pathumnaah a hla nalh tak 'Lungchhir a sawt lo' tih hmangin a rawn lang.

Temi Sailo chu pathumna aṭangin panganaah 'Kraws Thu' nen a chhuk thla rih. Top Ten-ah hming thar pathum kan hmu a, TBC-a'n a vawikhat lannaah 'Min tlan ta' tiin tlanna hlu zai hmangin min hrilh a, pariatnaah Lalruatfeli Bawitlung feat Project Fishtail - Kross vangin leh sawmnaah Pensy - Ka rawn pan zel che tih chu an rawn lang thar bawk.

Top Ten aṭang hian Dafodils Ṭhazual Fakna chhuak hnuhnung ber a parukna Angela Lalrem­tluangi - Min hrilh fo rawh aw, pasarihna Tabithians - Hei hi ka duh ber tih leh Hmingtea & Sailo Nutei -Kir leh rawh tih te chu nekchhuah an ni.

Dafodils Ṭhazual Fakna
1 Bethsy - Min hmangaih si a
2 Maggie - Hmangaihna par tlanin
3 Betea - Lungchhir a sawt lo
4 Lalhlumawii - JEBUS-ah
5 Temi Sailo - Kraws thu
6 TBC-a - Min tlan ta
7 Empty Pockets - I hnen lo thleng se
8 Lalruatfeli Bawitlung ft. Project Fishtail - Kross vangin
9 Vanlalhmingmawia - Ka la chawl ang
10 Pensy - Ka rawn pan zel che