Chinese Box Office: Monster Hunter leh a chhehvel
Capcom Monster Hunter live-action film adaptation-a Paul W.S. Anderson-a'n a siam chu China ramah a film-a ṭawngkam an hman pakhat vangin an tlangzarh zet hnuah China theatre-ah pek chhuah chhunzawm phal lo mah se $mtd 4.8 a lalut hman tho a, sum lalut tam pangana a ni phak.
He film-ah hian sipai pahnih (mingo pakhat leh khawchhak mi pakhat) inbiaknaah chi leh chi inhmuhsitna lam rawng kai, a bik takin Chinese hmuhsitna nia ngaih theih ṭawngkam an hmang a, hemi avang hian Inrinni chawhma lam aṭang khan China theatre-ah he film hi chhuah chhunzawm phal a ni lo a, heti chung hian sum lalut tam pawl tak a ni hman tho.
Paul W.S. Anderson film China-a tihchhuah hnuhnun ber Resident Evil: The Final Chapter khan China-ah $mtd 160 lai a hailut a, US-a a hmuh chhuah let ruk lai a ni. Tuna khawvela film industry lian ber ni mek China-ah an hming chhiat takah hian Anderson hian khawchhak ram lianah hian lawm a hlawh zui tawh lo mai thei a ni.
China-ah hian The End of Endless Love chu sum lalut tam ber niin $mtd 22.6 lai a lalut a, Soul Snatcher chu pahnihna niin US-a pakhatna ni mek The Croods 2 chu pathumna a ni thung.