Metallica-in charity unplug livestream concert buatsaih dawn

American heavy metal legend Metallica chuan live acoustic concert (acoustic pay-per-view) neih an tum a, he live aṭanga pawisa an hmuh tur hi charity atan an pe dawn a ni.

An live acoustic concert hi Nugs.net aṭanga pek chhuah a ni ang. Ticket chu November 14 aṭanga zawrh chhuah ṭan a ni dawn a, Nugs.tv leh an band website aṭangin lei tur a ni. Metallica concert tur chungchangah hian Nugs.net Founder leh CEO Brad Serling chuan Metallica band chu kum 25 lai a thawhpui tawh thu sawiin, Nugs.net kaltlang hian show tam tak an lo neih ṭhin tawh thu a sawi.  

Metallica hian an sum hmuh chhuah zawng zawng chu an charitable foundation, All Within My Hands kutah an hlan dawn a ni.

$645­­,­000 an thawk chhuak tawh a, America West Coast-a kangmei tuarte chhawmdawlna atan $350,000 pe tawh bawkin US hmun hrang hranga community college 15 tan grant $maktaduai 1.5 lai an pe tawh bawk.