Box Office: 'The Wild Robot'-in 'Beetlejuice Beetlejuice' luah lan

North American box office-ah Universal leh DreamWorks Animation 'The Wild Robot' chuan kar thum chhung No 1 dinhmun lo hauhtu, 'Beetlejuice Beetlejuice' luahlanin a chung ber dinhmun a hauh.

'The Wild Robot' hian North America-ah tlangzarh karin USD mtd 35 a la lut a, pandemic hnua animation chet ṭhatna a rawn chhunawm zel. Peter Brown-a'n naupang lehkhabu ziah behchhana siam, 'The Wild Robot' hi robot, ROZZUM unit 7134, Roz tia sawi bawk chanchin a ni a, Roz aw thawhtu hi Lupita Nyong'o a ni. Critics leh audience review pawh a hmu ṭha a, CinemaScore-ah 'A; hmuin Rotten Tomatoes-ah 98% 'fresh' status pek a ni bawk.

Film tlangzarh thar dang, Francis Ford Coppola siam 'Megalopolis' erawh beisei a pha lo hle. USD mtd 120 budget film hian tlangzark karah USD mtd 4 chiah la lutin Top 5 ah pawh a lang pha lo. He film pe chhuaktu, Lionsgate chu promotional trailer a siam danah sawisel a hlawh hle.

'Beetlejuice Beetlejuice' chu a kar linaah No 2-ah a tla thla a, USD mtd 16 a la lak luh belh a ni. North America-ah USD mtd 250 hmu chhuak tawhin, khawvel huapa a sum lak luh hi USD mtd 373.3 a tling tawh. Paramount 'Transformers One' pawh No 3-a tla thlain USD mtd 9.3 a hmuh belh leh bawk. Top 5-ah hian Indian Telugu action film' Devara : Part 1' leh Universal and Blumhouse kut chhuak 'Speak No Evil' te a lang bawk a ni.