'Singham Again' in tlangzarh hmain Rs vbc 200 la lut nghal

Ajay Devgn channa, action drama 'Singham Again' chuan tlangzarh a nih hmain non-theatrical rights hralhna aṭangin Rs vbc 200 an la lut nghal der.

Rohit Shetty leh Jio Studios chuan Diwali-a tlangzarh tur, 'Singham Again' satellite, digital leh music rights hi Rs vbc 200 an hralh a, tlangzarh hmain budget 80% chu an hmu let nghal der a ni. Ajay Devgn hi cop franchise-a vawi thum a channa tur a ni a, a hmain Singham (2011) leh Singham Returns (2014) ahte a lo chang tawh bawk. A film tharah hian Akshay Kumar leh Ranveer Singh ten special appearance an nei dawn a, Deepika Padukone chu first lady cop niin Arjun Kapoor, Tiger Shroff, leh Shweta Tiwari te pawh an inlan dawn a ni.