Miss Universe Korea thlannaah kum 80 mi tel

Miss Universe 2024 neih tura South Korea aiawhtu tur thlanna, Miss Universe Korea pageant-ah model kum 80 mi, Choi Soon-hwa a tel a, contestant zinga upa ber a ni. Miss Universe 2024 hi kumin November thla hian Mexico-ah thlan a ni ang.

Choi hi kum 1943-a piang niin, Miss Universe pageant hi kum 1952 aṭanga siam a ni chauh a ni. Miss Universe Korea thlannaah hian contestant dang 31 te nen an inel a ni. Miss Universe Organisation chuan beauty pageant an buatsaiha tel thei chin, kum 28 aia upa lo tia a lo bithliah a lo siam ṭhin chu a titawp a, hei vang hian Choi pawhin a tel ve theih phah ta tih a sawi. Choi hi kum 72 a nihin modeling lamah a lut a, training te neiin Seoul Fashion Week-ah kum 74 mi anihin runway debut a nei chauh a ni. Hemi hnu hian fashion magazine, Harper's Bazaar leh Elle ahte a lang a, South Korean brand lar tak takten fakna atan an hmang bawk.