Bollywood: UK-a SRK leh Kajol lim khuh hawng dawn

United Kingdom khawpui London-a Leicester Square-ah bronze hmanga siam, bollywood star Shah Rukh Khan leh Kajol lim chu nakkum nipui hunah khuh hawn tum a ni.

An lim hi an film channa Dilwale Dulhania Le Jayenge (DDLJ) kum 25 tlinna puala khuh hawn tum a ni a, UK-a Bollywood movie lim awm hmasa ber tur a ni ang.

Leicester Square-a DDLJ an chan lai vel chu limah hian hman tum a ni a, he film hi tun thlengin hindi film tam tak awm tawh mah se, englai pawha mite ngainat rawnte zinga mi a la ni. DDLJ hi Aditya Chopra direct niin, Kum 1995 October 25 khan tlangzarh a ni a, $ maktaduai 40 vel lai senga an siam a ni. Box office aṭanga a sum hai luh tawh zat hi $tluklehdingawn 1.22 vel a ni tawh.