Kamala Harris a ṭan vangin Swift hla ngaithlatu tlahniam

Taylor Swift-in US President thlanna neih turah Democrats candidate, Kamala Harris a ṭan thu a sawi chhuah hnuah Spotify lamah a hla ngaithlatu an tlahniam.

Music streaming analytics company, Chartmetric in a tarlan danin, September 10-a Taylor Swift-in a Instagram kaltlanga Democrats candidate Harris a thlawp thu a tarlan hma khan Spotify-ah monthly listener hi mtd 94 vel a nei a ni. Mahse Instragram-a thu a post hnu, September 27-ah khan monthly listener a neih zat hi mtd 91.9 ah a tlahniam nghal. Hetih lai hian Chartmetric hian data hi US chauh ni lo, global user aṭanga a siam a ni a, hei vang hian US Spotify aṭang bika Swift-in listener a hloh zat chiah hi a hriat loh a ni. Harris a thlawp thu a sawi hnuah US-ah hian Swift YouTube video entu pawh 10% in a tlahniam tawh bawk.

Tun hnaiah mi pakhat chuan Taylor Swift hming sign-na guitar chu lilamah USD 4,000-a leiin, a leina hmunah hian tuboh nen a vawchhe nghal tawh bawk a ni. Hei pawh hi Swift-in Kamala Harris a thlawp thu a sawi nghawng nia ngaih a ni.