MZI-in ram leh hnam ngaihna hla inphuahsiak buatsaih

Mizo Zaimi Insuikhawm (MZI) General Headquarter hnuaia Sub-Committee peng pakhat, Song Writer-te bul tumin ram leh hnam ngaihna hla (Patriotic song) inphuahsiak buatsaih a ni.

Hla hi chang thum aia tawi lo tur niin, a thluk nei, sak theih ngei tur a ni. Hla hi a demo thehluh tur a ni a, hla thu softcopy emaw hardcopy-in emaw thehluh tel bawk tur a ni. Diktawn Office, Treasury Square-ah thehluh tur niin, Ph. No. 9862370647 ah Whatsapp hmang pawhin a thehluh theih bawk. October 27, 2024 (Sunday) hmaa thehluh tur a ni.

Hla inphuahsiak result hi MZI General Conference-ah puan a ni ang a, lawmman pakhatna hian Rs 30,000/- & Citation, pahnihnain Rs 20,000/- & Citation, pathumnain Rs Rs. 10,000/- & Citation an dawng dawn a, mi panga hnenah consolation prize, Rs 5,000 ṭheuh pek a ni bawk ang.