Stray Kids album thar tur 'GIANT' cover an sel

South Korean boy group zinga thawm nei lian tak, Stray Kids chuan an Japanese album pahnihna, 'GIANT' an ti chhuak dawn tih an puang a, an group official Japanese social media account-ah album cover tur nia hriat thlalak an dah chhuah chuan sawisel a hlawh zui hle thung. Album thar hi November 13-ah tih chhuah an tum a ni.

Album thar chhuak tur hi STAYs hoin lo phurpui viau mah se, a cover image erawh an phurpui lo thung. STAYs tam zawk chuan Artificial Intelligence (AI) hmanga siam niin an ngai a, AI hi an hmang tlanglawn tawh avangin an duh vak lo a ni. Comment lamah pawh an sawisel nasa hle a, JYP Entertainment chu artist-te aia AI image a hman vangin fan lamin an bei nasa. AI ai chuan Picsart pawh hmang se an duh zawk tihte an sawi.