Eddie Van Halen guitar lar pahnih lilam dawn

Julien's Auction chuan December thla tirah hian hmanni lawka fam ta, guitar legend leh guitar khawvel hawi zawng thlak danglamtu  Eddie Van Halen-a guitar lar tak pahnih an lilam dawn.

Beverly Hills-a Julien's Auctions-ah December 4 leh 5 hian  'Icons & Idols Trilogy: Rock ‘N’ Roll' auction hi neih a ni dawn a, $40,000 aṭanga $80,000 vela hralh theih an ring.

Kramer machine head, rawng sen, var leh duma ṭial leh Fender Stratocaster-style headstock nei EVH, a dum leh vara ṭial chu an lilam dawn a ni.

Eddie guitar rual hian  Kurt Cobain-a Fender Stratocaster guitar dum pawh lilam a ni nghal dawn a, Michael Jackson-a kutkawr var te, Lady Gaga Kaimin PVC jacket dum leh kum 1993-a Aerosmith-in MTV Video Music Award Moonman an dawnte pawh an lilam dawn.

David Bowie, Madonna leh Elvis Presley-te thil pawh lilam tur an nei niin Julien's Auction chuan an tarlang.