Industry-a nitina inhlawhfate tan Taylor, Bradley leh Keith-te pen chhuak

Taylor Swift, Bradley Cooper leh Keith Urban-te chuan an guitar lilam turin celebrity country music auction-ah an hlan a, an guitar hralhna pawisa hi Covid-19 vanga country music in­­dustry-a nitina in­hlawhfa, harsatna tawk­te ṭanpuina tur atana tih a ni.

September thlaa Academy of Country Music Awards semnaa Taylor Swift-in a hla thar 'Betty' a saka a perh, Gibson acoustic guitar dum leh custom pick pangate chu $25,000 aṭanga 40,000 velah hralh tum a nih thu Christie’s auction house chuan a tarlang. Bradley Cooper electric guitar pawh $2,000 aṭanga 4,000 hralh tum a ni bawk. Vawiin hian an lilam ṭan dawn a, October 29 thleng guitar lilamna hun hi hawn a ni ang.

Guitar an lilamna aṭanga an sum hmuh chhuah hi Academy of Country Music's Lifting Lives COVID-19 Response Fund-ah a lut dawn a, Tim McGraw pawhin F131 Hellcat motorcycle a lilam dawn bawk a, Carrie Underwood pawhin Academy of Country Music awards-a a gown hak a lilam dawn bawk a ni.