Billboard 200 : Future in No 1 ni thei album 11 a nei ta

Billboard 200-ah Future chuan a album thar, 'Mixtape Pluto' chu No 1 a rawn nihpui a, album chart-ah No 1 ni thei album 11 a neihna a ni a, kumin chhunga No 1-a album pathum a lanpuina ani bawk.

September 20, 2024-a tlangzarh, hip-hop artist mixtape hian kar liam ta chhung khan US-ah equivalent album unit 129,000 neiin, he album-a hla 17-te chuan on-demand official stream mtd 156.62 hu an nei bawk. Album sales hi 10,000 a tling bawk. Future hian kumin April 6-ah 'We Don't Trust You' leh, April 27-ah 'We Still Don't Trust You' album te chu chart chung dinhmun hi a lo thlenpui tawh a ni. Kum 1956-a Billboard 200 weekly chart siam a nih aṭangin Future No 1-a album pathum lanpui rang ber a ni.

'Mixtape Pluto' hnuaiah Chappel Roan 'The Rise and Fall of a Midwest Princess' awmin, equivalent album unit 105,000 a nei. Sabrina Carpenter 'Short n' Sweet' chu No 3 ah tla thlain equivalent album unit 100,000 a nei a, Post Malone 'F-1 Trillion' chuan equivalent album unit 53,000 neiin No 4-ah a la ding nghet thung. Morgan Wallen pawhin 'One Thing a Time' chu Top 5 ah a la awmpui chhunzawm zel.