Tom Hardy-a'n Venom a mangṭha dawn

British actor, Tom Hardy chuan a film thar, 'Venom: The Last Dance' zawh aṭangin Venom role a mangṭha tawh dawn tih a sawi.

Hardy hi 2018 movie,'Venom' ah Eddie Brock a.k.a Venom ah a chang ṭan a, Venom role hmang hian superhero khawvelah a thawh hlawk hle. 'Venom: Let There Be Carnage' ah chang lehin, antihero a a channa hi 'Venom: The Last Dance' ah a tawp dawn ta tih a sawi a ni. Venom series te hian critics lam aṭangin sawisel tawk ṭhin mah se box office lamah an che ṭha hle thung. A tawpna ber tur, 'Venom: The Last Dance' hi Otober 25 hian tih chhuah a ni ang.