Lehkhabu bawm: 'Thusawi thiam ta che' lekhabu tlangzarh

Nathael Vanchhawng lehkhabu ziah, Thusawi thiam ta che' tih chu nimin, October 3,2024 khan Divine Intervention School Library-ah Upa R. Zochhawna, Principal, Divine Intervention School in a tlangzarh.

Lehkhabu tlangzarh inkhawm hi Upa T. Lalawmpuian a kaihruai a, Lalrammawia Ngente in book review a nei. He lehkhabuah hian Thupui 111 awmin, thusawi tûrte tâna ṭangkai tûr leh, thusawi thiam tawhte tân pawha pûr chawkna tûr lehkhabu a nih ngêi beisei a ni. Thusawitute tâna inzirna tûr piah lamah Bonus tips - Interview skills, Presentation skills leh Listening skills te dah tel a ni bawk.

Lehkhabu ziaktu, Nathael Vanchhawng, Life Coach chuan thusawina hun a hmang zui bawk. Ani hian 'Confidence Building - Audio Book' siam tawhin, Inter-School leh Inter-College Public Speaking Competition a buatsaih tawh bawk a ni.'Thusawi thiam ta che' tih lehkhabu hi Pocket size-a siam niin Rs. 200-in lei theih a ni dâwn a ni.