Supergirl series tawpna tur Season 6

DC Series, Melissa Benoist channa Supergirl chu a tawp hnai tawh a, Warner Bros. Television, Berlanti Productions, leh The CW chuan nakkuma pek chhuah tur season 6 chu a tawpna tur a ni tawh dawn tih an sawi.

Supergirl hi  Arrowverse TV show tihtawp pahnihna tur a ni tawh dawn a, Arrow hnungzuiin nakkum thleng bak hi chuan series thar kan hmu tawh dawn rih lo niin a lang. Arrow hi kumin kumtir khan season riat lai tihchhuah a nih hnuah an titawp a ni.

Melissa Benoist hian a hmain Supergirl lemah a chang tawh dawn lo tih hi social media lamah pawh a tarlang tawh a, Supergirl lema chan chu chawimawina nia a ngaih thu leh hmeichhia, la naupang zawkte nuna nghawng ṭha tak a nei chu lawmawm a tih thu a sawi.

A role play chuan ama nunah ngei pawh nghawng a nei tih sawiin, a nun a ṭha zawnga thlaktu a nih thu a sawi a ni.

Deadline chuan kar leh lamah hi chuan season 6 production hi Van­couver, Canada-ah an ṭan leh tawh dawn niin a tarlang a, hetihlai hian Benoist hian nau a pai avangin prodcution team hi a zawm lawk dawn lo thung niin an tarlang bawk.

Supergirl TV series hi October 26, 2015 aṭang khan tihchhuah ṭan a ni a, season nga tichhuak zo tawhin episode 106 a awm tawh a ni.