James Blunt-a'n a hming thlak a tiam

'You're Beautiful' hitmaker, James Blunt chuan a classic debut album, 'Back to Bedlam' chu a kum 20-na puala a release thar leh hunah chart-ah No 1 a kai chuan a hming thlak a tiam. A hming pawh a fan-te thlan turin a ti bawk.

'Back to Bedlam' hi kum 2004-a a tih chhuah kha niin, UK album chart-ah No 1 a thleng a ni. October 11 hian he album hi release ṭhat leh a tum. A album release thar leh hian No 1 a kai phak loh chuan a hming chu a thlak kher dawn lo tih X-a video a post-ah a sawi a ni. A fan-te lam an phur nghal hle a, a hming thar tur rawn thawh pawh an tam nghal hle a, heng zingah hian September 30-a interview a neih ṭuma a hming atana a duh loh a sawi, Blunty McBluntface tih chu rawttu an la tam ber a ni. 'Back to Bedlam' album kum 20 tlin pualin Blunt hian UK leh Europe ah tour neih a tum bawk.