Diddy thurualpuite nia sawi list ti chhuak dawn

Mipat hmeichhiat kaihhnawih leh mi kutthlak chungchanga hmingchhe mek, Sean P Diddy Combs thurualpuite nia sawi list chu a kut tuartu nia insawi, mi 120 te lawyer chuan an ti chhuak dawn tih a sawi. Combs ṭhiante tam tak thinphu pawh a ran phah ngei ang.

Attorney Tony Buzbee chuan hming an tih chhuah tur thu hi press conference a neihah sawiin, a ṭhawng viau hlawm ang che u, a ti zui a ni. List-ah hian a tam hle tih pawh sawiin, fimkhur takin an kalpui dawn a, an hming tarlante pawh a dik ngei a ni tih pawh an fiah phawt dawn niin a sawi. Combs-a'n mipat hmeichhiat lam hawiin a ti nawmnah nia puhtu hi mi 120 an tling a, an zinga a zahve vel chu mipa an ni. September 16-a New York-a man a nih hnuah Combs hi Brooklyn-a Metropolitan Detention Centre ah hren mek a ni.