John Lennon thattuin Yoko Ono ngaihdam a dil

John Lennon thattu Mark David Chapman chuan kum 40 lai a liam hnuah John Lennon nupui, Yoko Ono ngaihdam a dil.

John Lennon hi kum 1980 khan New York-a a chenna in kawtah vawi li lai Chapman hian a kap a, a hliamte hi tuar loin John hi a thi zui ta a ni.  Thla hmasa khan New York-a Wende Correctional Facility-ah, parole board hmaah Chapman hi a inlana, board hmaah hian Chapman chuan Yoko Ono pasal John a thah vangin thih hial a phu thu leh a jail tanna aṭanga chhuah chu a duh lo tih a sawi.

Chapman chuan a damchhung chu jail-a hman ral a duh zawk thu board a hrilh a, John a thah chungchangah hian chhuanlam leh thiamthu sawi theih a neih loh thu a sawi bawk. John Lenon leh Yoko hi kum 1969 khan inneiin, John-a thihni thleng hian an innei a ni.