55th GMA Dove Awards: Artist of the Year-ah Cece Winans

Gospel Music Association of US buatsaih, Gospel music award ngaihhlut, GMA Dove Awards vawi 55-na chu kar liam ta khan sem a ni a, Cece Winans chu Artist of the Year ah thlan a ni a, heng bakah hian Gospel Worship Album leh Recorded Song of the Year award a dawng bawk.

Brandon Lake pawhin award pathum a dawng a, Songwriter of the Year (Artist) a dawng tel a ni. New Artist atana thlan, Forrest Frank chuan Pop/Contemporary Recorded Song of the Year chu a hla 'Good Day' hmangin a dawng bawk a ni.

55th GMA Dove Awards ceremony hi Nashville-a Lipscomb University-a Allen Arena-ah neih a ni a, singer/songwriter Tauren Hill chuan a zawnin a kum hnihna atan a host leh a, show zanah artist 11 an perform.

Kuminah hian Gospel music pioneer - Bill leh Gloria Gaither te chu Jakie Patillo award hlan an ni. Feature film-ah King & Country film, 'Unsung Hero' thlan a

ni bawk.

Dove Awards hi hun rei tak Allen Arena ah hian neih a ni tawh a, nakkuma 56th annual GMA Dove Awards erawh chu Bridgestone Arena-ah October 7-ah neih a ni ve thung tawh dawn a ni.