Diwali pualin Barbie doll thar siam chhuak

Barbie doll siamtu, Mattel chuan Diwali pualin kar liam ta Zirtawpni khan Barbie Diwali doll a siam chhuak.

Mattel chuan Indian fashion designer Anita Dongre thawhpuiin, an doll thar thawmhnaw hi a design a, Moonlight Bloom - choli top, floral Koti vest leh lehenga skirt in a thuam a ni. Heng bakah hian Diwali festival nihna pholanna tur pakhat atan ngun leh bengbeh mawi tak inbel tir a ni bawk. Barbie Diwali doll hi limited-edition a ni a, designer Dongre chuan a thawmhnaw design-na atan hian kum khat chung hun a hmang niin a sawi.