Khiangte Construction Ṭhazual Lengzem : Pakhatnaah Smiley 'A dang lo'

Khiangte Construction Ṭhazual Lengzem chart tharah Mizo mipa lengzem artist boruak nei lian leh fan ngah, Smiley chuan 'A dang lo' tih chu pakhatnaah a rawn lanpui.

'A dang lo' hi chart hmasaah No 4-ah awmin tun ṭumah hian No 1 ah a rawn invawrh ta a ni. Smiley hian Top 10-ah Hex Da Marshall nena an thawh dunna, 'Min hrilh rawh' tih chu a lanpui bawk.

Chart No 1 hauhtu, 'A dang lo' hi Smiley phuah niin, recording pawh amah buaipui a ni a, music hi JChh4na kut chhuak niin, video hi Ṭhatea Ralte siam a ni thung. August 4,2024 khan a YouTube channela-ah a dah chhuak a ni. A hla dangte ang bawkin a mawiin ngaihthlak a nuam leh hle.

Latei Hringen ft CT Tluangtea 'Rimawi leh hmangaihna' pawh chart hmasaa No 6 aṭangin No 2 ah an rawn kai chho bawk a, tleirawl lam duh rawn Siampuii Ralte chuan 'Lêngi' chu No 3-ah rawn lanpuiin, Zothana ft Zodini 'Kumtluang' chu No 4 ah a la ding nghet zel. No 5-ah Zaii Hauchhum 'Thawnthu hlui' a rawng lang thar bawk.

Ṭhazual Lengzem Top 10-ah hian Smiley & Hex Da Marshall, HT Lalthanzami, Zualbawihi te an la lang zel a, No 1 pawh lo hauh tawh Mendal chuan a hla thar a rawn lanpui bakah, Rosalind Khawlhring pawh a rawn lang thar bawk a ni.