Bollywood: TV ad chart-ah Akshay Kumar a sang ber

Bollywood star-te celebrity status hi an movie hlawhtlinna bakah, advestisement-a an lanna hian a hril tel hle. Star zingah Akshay Kumar chu TV ad-a lang ngun ber niin Shah Rukh Khan leh Amitabh Bachchan ten an dawt.

TAM AdEx Celebrity Endorsement Report for January-June 2024 ah, Akshay Kumar TV ads hi chawhrualin ni khatah darkar 22 hmuh tur a awm a, Shah Rukh Khan hi darkar 20 niin, TV-a ads en tur awm zinga 5% ah anni pahnih hi an lang a ni. Amitabh Bachchan lanna ads hi chawh rualin ni khatah darkar 16 hmuh tur a awm bawk. Palinaah Indian cricket team captain hlui MS Dhoni langin, Top 10-a film lam mi ni lo lang awm chhun a ni. Top 10-ah Ranbir Kapoor, Alia Bhatt, Sara Ali Khan, Kiara Advani, Rupali Ganguly leh Ranveer Singh te an lang bawk a ni.

Top 10 most visible endorser :

1. Akshay Kumar – 22 hours per day

2. Shah Rukh Khan – 20 hours per day

3. Amitabh Bachchan – 16 hours per day

4. MS Dhoni – 14 hours per day

5. Ranbir Kapoor – 12.4 hours per day

6. Alia Bhatt – 12 hours per day

7. Sara Ali Khan – 10.9 hours per day

8. Kiara Advani – 10.5 hours per day

9. Rupali Ganguly – 9.3 hours per day

10. Ranveer Singh – 9.1 hours per day