Limp Bizkit in Universal Music Group an khing

Limp Bizkit frontman Fred Durst chuan khawvela record company lian ber, Universal Music Group chu an band royalty pe duh loa puhin a khing. Company hian royalty hi US dollar maktaduai tel a ba niin a sawi.

Thawhlehni khan federal court-ah record company a khinna hi thehlutin, Durst leh a attorney-te chuan UMC chu an royalty pek tur thupbo theihna tur softcare leh system hmangah puhin, a hlawkna chu anmahni chuan an tel zel niin an sawi. Band hnena sum pek tumna hi an nei miah lo nia puhin, UMC in Limp Bizkit sum pek tur a batsak hi USD mtd 200 vel zet a tling tawh niin an tarlang. Durst chuan Limp Bizkit hian record mtd 45 chuang hralhin, kumin bikah pawh stream mtd 450 an nei tawh chungin, record label aṭang hian sum engmah an dawng lo tih a tarlang.