Lisa Marie Presley lehkhabu a chhuak

Lisa Marie Presley lehkhabu ziah, 'From Here to the Great Unknown' chu a thih hnuah tih chhuah a ni. He lehkhabu-ah hian a pa, Elvis Presley leh a pasal hlui, Michael Jackson te chungchang pawh a ziak lang a ni.

Presly hian kum 1994-a Jackson nen an in date ṭan thu te tarlangin, hetih lai hian Jackson hi kum 34 mi a ni. Mahse an inneih hnuah a chungchangah zawhna a ngah ṭhin em avang hian Jackson hian a awm hran tir a, hemi hnu hian amah hian inṭhenna tur hi a thehlut ta tih a sawi. An inṭhen hnuah pawh an la inbiak zui zel thote a tarlang. Heng bakah hian Presley chuan a naupan laia a pa, Elvis Presley-a'n a incheina dangdai tak nena parent-teacher conference a rawn telpui dan te, a ruihhlo tih avanga a buai ṭhinte pawh a sawilang bawk. Lisa Marie Presley hi Elvis Presley leh Priscilla Presley te fa neihchhun niin, kum 1968-ah a piang a, kum 2023 ah a thi a ni.