Mizo film thar 'Thingkung' a en theih dawn ta

Amzalea Production kut chhuak, Mizo film-a kan la hmuh tam vak loh, fantansy romance ‘Thingkung’(The curse of the blessed) chu zanin hian Dawrpui Multipurpose Hall-ah chhuah a ni dawn. Zaninah vek Runmawi app-ah chhawp chhuah a ni nghal bawk ang.

'Thingkung' ah hian Mizo film industry lama kan hriat lar tak takte an inlan dawn. Role pawimawh hi Timothy Vangchhia (The sky is ours), Rinzuala (The sky is ours), Rosy lrt (Keimah Thintlang nula ), Maruata Rawite (Kan chhungkua) ten an rawn chang dawn. Anni bakah Mapuia Chawngthu(Leitlang pictures), Tpi Fanai, Hoyabia, Kima Parousia, Tommy(Grtv), Mali(LPS), Alice(Mo sual), Evelyn Chhakchhuak (Miss Mizoram 1st Runner up) te an inlan dawn bawk. Director hi Timothy Vangchhia niin, director of photography hi BS Pictures a ni.

Amzalea Production hi kumina din chauh niin, Timothy Vangchhia leh BS Pictures kaihhruaina hnuaiah kalpui chhoh a ni. An project hmasa ber, 'Thingkung' ah hian CGI lam kan hmu tel nual dawn a, dawi thil leh thihna rapthlak tam tak kan hmu bawk dawn. Mumang thil tihtheihna leh khawvel pahnih awm chungchang rawn tarlangin, duhâmna ṭhat loh zia a rawn zirtir dawn a ni.