2NE1 comeback tour chhimtu an hrawl

South Korean girl group lar hmasa, 2NE1 in kar liam taa Seoul-a comeback tour, 'Welcome Back' an neih chu Kpop mi larten an chhim nasa hle. Concert chhimtu zingah hian Blackpink Jennie, Bigbang member - G-Dragon, Taeyang leh Daesung, NewJeans, Winner leh iKON te bakah Kpop artist dang eng emaw zat an tel.

2NE1 hian 'Welcome Back' tour khuhhawnna hi October 4-6 chhung khan Seoul-a Olympic Park-ah an nei a, November thla hian Manila leh Jakarta, December-ah Hong Kong leh Singapore leh, nakkum January-ah Banglok leh February-ah Taipei-ah concert hi an chhunzawm ang. Kumin November-December chhungin Japan-a Kobe leh Tokyo-ah vawi thum ve ve concert an nei dawn bawk.