Taylor Swift-in thlipui tuartute tan USD mtd 5 a thawh

Taylor Swift chuan hurricane Helene leh Milton tlehin chhiatna a thlen tuartute ṭanpuina turin chhawmdawl hna thawktu pawl hnenah USD mtd 5 a thawh.

Non-profit organisation Feeding America CEO Babineaux-Fontenot chuan thlipui tleh vanga harsatna tawkte chhawmdawl hna thawhna sum ṭhahnem tak a thawh avangin Taylor Swift chungah an lawm takzet tih a sawi. A sum thawh hi thli tlehin thil a tih chhiatte siamṭhatna atan te, ei tur leh tui thianghlim leina atante hman a ni dawn tih a sawi. Hurricane Helen hi category 4 hurricane a ni a, September 26 khan Florida nuaiin chhiatna nasa tak a thlen a, nunna chan pawh mi 227 an awm a ni. Hurricane Miltion hian Nilaini khan US chhimchhak lam bial a nuai bawk. Swift hian harsatna tawkte ṭanpuina turin sum a thehchhuak fo. Nikum December thla khan thlipui tuartu, Tennessee tan UsD mtd 1 a lo pe tawh bawk.