Instagram leh Facebook-ah advertiser tan feature thar

Meta chuan an platform lar pahnih, Instagram leh Facebook-ah advertiser-ten an ads-a an modify a, comment an thunun theihna tur feature thar a siamsak.

Company hian Facebook leh Instagram-a ads dahte chu AI feature, Video Expansion leh Image Animation a huam tir a ni. Video Expansion hmang hian advertiser chuan AI chu video ad aspect ration tih lenna atan a hmang thei dawn. Hei bakah AI hmang hian an ads chu hmuhnawm zawk in an animate thei dawn bawk a ni. Heng bakah hian advertiser chuan influencer thlalak chu 'hero image' tiin a upload thei dawn bawk.

Advertiser-te hian an ads-a comment an thunun thei tawh dawn a, hei hi thil pawimawh tak niin, brand himna tur leh an platform chu sumdawngte tan pawh inzawrh chhuahna hmun him a nih theihna tur hian hma an la tih company chuan a tarlang. Comment control hi business thlan bikah chauh a la tih theih a, mahse hmun dangah pawh dah chhoh zel an tum tih an sawi.

Social media-a company-ten ads an dah ṭhinah hian comment lamah lo sawiselna, negative comment tam ṭhin hle. Hetianga sawichhiatna comment lo awm ṭhinte an thunun a, an block theih chuan,sumdawngte tan pawh inzawrhna ṭha a ni thei dawn a, advertisement lam pawh an uar chhoh zual rin a ni.

Meta chuan ads lan leh lan lohna tur profile thlan chungchangah pawh company thuneihna chu a siam belh sak bawk. Profile ṭhenkhat, an ads lan tir an duh lohnate chu publisher block list siamah an dah thei dawn a ni. Kum 2025 kumtir lamah chuan he feature thar hi zau zawka hman theih turin an tihfel theih beisei niin, an feature thar enchhinnaah hian Integral Ad Science (IAS) chu an thawhpui a ni.