Blake Lively leh Ryan Reynolds-ten USD mtd 1 thawh

Hollywood actor lar, Ryan Rey-nolds leh Blake Lively te nupa chuan US-a Florida leh North Carolina state-a thlipui, hurricane Helene leh hurricane Milton tleh vanga harsatna tawkte ṭanpuina turin USD mtd 1 an thawh.

Thlipui tleh tuartute chhawmdawl hna thawktu, Feeding America chuan Reynolds leh Lively hnen aṭanga ṭanpuina an dawn thu hi puangin, tun hma lam pawhin harsatna tawkte chhawmdawl leh ṭanpui hna an thawh ṭhinaah anni nupa hian an lo pui fo tawh tih CEO Claire Baineaux-Fontenot chuan a sawi. September thlaa hurricane Helene tleh vang khan mi 227 in nunna an chan a, tun kara Florida-a hurrince Milton tleh vangin mi pasarih an thi bawk. Thlipui tleh vang hian mi tam takin an in leh lo an chhuahsan a ngai a ni. Reynolds leh Lively pawhin chhawmdawl hna thawktu, Feeding America an pui thei chu an lawm thu sawiin, chhiatna nasa thleng karah mi dangte ṭanpui tura thawkchhuakte chu an fak thu an sawi.