Voltron movie-ah Henry Cavill

Amazon MGM Studio movie tih chhuah tur, 'Voltron' ah Henry Cavill a chang dawn. He live-action film hi mecha anime behchhan niin, Rawsoan Marshall Thurber chuan a direct dawn a ni.

'Voltron' ah hian Daniel Quiin-Toye pawh a chang dawn a, mahse Cavill nen hian an character chan tur pawh sawilan a la ni lo a, a plot pawh an la puangzar lo. Kumin chhungin Australia-ah chan ṭan an tum. Original anime series hi Toei Animation siam niin, kum 1984 khan an ti chhuak a, kum hnih chhung chu children show top-rate a ni. Kum 2016 khan Netflix chuan 'Voltron : Legendary Defender' siamin, season 8-ah episode 78 a awm a ni. Cavill hi 'Man of Steel' a Superman lema a chan aṭangin hriat a hlawh zual a; Argylle, The Ministry of Ungentlemanly Warfare, leh Deadpool & Wolverine ah te pawh a chang bawk.