Femina Miss India 2024 Awards Night : Miss Goodness Ambassador ah Lalsangkimi

Femina Miss India 2024 Awards Night chu October 11, 2024 zan khan Mumbai-ah neih a ni a, title winner-te puan a ni.Grand Finale hi October 16-ah neih a ni ang. Femina Miss India Mizoram, 2024 Lalsangkimi chu Rajnigandha Pearls Miss Goodness Ambassador atan thlan a ni.

Awards Night-ah hian state hrang hrang aiawha tel, contestant 30-te chuan designer Bhwana Raoa collection an rawn show a, he collection, 'Disco Rendezous' hi Femina Miss India kum 60 lawmna pualin a rawn duang a ni. He event-ah hian fashion leh film industry lama India mi larte an fuankhawm nas hle. Award hi 13 sem a ni.

Femina Miss India 2024 winner hian Miss World pageant-ah India ai a awh ang. India hian Miss World panga nei tawhin chungte chu - Aishwarya Rai (1994), Diana Hayden (1997), Yukta Mookhey (1999), Priyanka Chopra (2000) leh Manushi Chhillar (2017) te an ni.