Favorite New Music-ah Jennie 'Mantra'

Music fan-ten kar liam ta chhunga Billboard poll-a hla chhuak thar zinga an duh bera an thlan chu Blackpink member, Jennie hla 'Mantra' a ni.

Hla chhuak thar eng emaw zat awm karah, Jennie hla thar hian vote 81% zet a hmu pha. Charli XCX, Halsey, Tyla, Jelly Roll, Becky G, GloRilla leh Rod Wave te a khum a ni. 'Mantra' hi October 11-a tlangzarh niin, tlangzarh ni hian Spotify-ah stream mtd 5 chuang a nei a, he platform-a a solo debut lian ber a ni. Spotify Daily Global Songs Chart-ah No 5 a ni bawk. Ram 47-a iTunes chart-ah No 1 niin, heng zingah hian US, Brazil, Singapore, Mexico leh Philippines pawh an tel. Kumin chhunga K-pop hmeichhe soloist hla zingah US iTunes chart-a No 1 ni thei hmasa ber a ni.