Mana Motors-in Mahindra Pikup thar Veero tlangzarh

Mana Motors, Mahindra & Mahindra Full Range dealer chuan nimin, October 15, 2024 khan Mahindra pikup chhuak thar Veero khuh hawnna an nei.

Dealer Principal Dr Franklina chuan Veero hi khuh hawngin, "Commercial vehicle hmanga eizawngtuten an mamawh tak khalh leh chuan nuam tak mai airbag, AC leh touchscreen infotainment nena thuam thlap mai lei theih tura a han awm ta hi a lawmawm hle a ni,” a ti.

Mahindra pikup thar Veero hian diesel engine MDI 1.6L.80bhp,210Newton meter torque a hmang a, a body sei zawngah hian duhthlan tur feet 10 leh feet 9 a awm bawk. Kg 1600 phur thei tur leh, diesel 1ltr chauh hmangin 18.4km lai tlan thei tura duan a ni bawk. Passenger car ang maia khalh nuam leh chuan nuam tura design a ni a,driver bakah mi pahnih(D+2) chuang thei tura duan a ni. IMAXX technology nena thuam a ni bawk. A segment bikah chuan Airbag rawn nei hmasa ber a ni, 10.25 inches touch screen infotainment system rawn hmangin, power window,Ac leh Reverse Camera te nen a thuam a ni bawk. A rawng (colour)hi duh thlan tur White leh Concrete Grey a awm bawk. Motor man hi Rs. nuai 7.9lacs aṭangin a inṭan.