WhatsApp-in Indian account nuai 80 chuang a block

Online hmanga inbumna thleng ṭhin do letna tur leh, platform rintlakna vawn nun zelna turin WhatsApp chuan August thla chhung khan India rama WhatsApp account nuai 80 chuang a block.

WhatsApp hi India rama instant messaging app hman lar ber zinga mi a ni a, hmangtu an tam avangin scammer tam takin remchangah an hmang tel ve bawk. Hengte avang hian WhatsApp chuan user report aṭangin, account rinhlelhawm deuhte chu an platform aṭangin an paih zel a ni. August 1 - 31, 2024 chhungin WhatsApp hian Indian account 8,458,000 a block a, heng zinga 1,661,000 chu user-ten an complaint hmaa automated system hmanga block an ni. Kumin August thla chhung khan WhatsApp hian user 10,707 aṭangin complaint a dawng a, heng zingah 93-ah hian action a la zui a ni. User report hi email leh postal channel hmangin, India Grievance Officer hnenah thehluh a ni.