Downey-an a tihtauh chhan a sawi

Channel 4-in Avengers: Age of Ultron chungchanga Robert Downey Jr. an interview ṭumin a chhuak tau nul nul a nih kha. Khami chungchang, a chhuah tauhna chhan Downey hian a sawi chhuak.

Hollywood-a actor zinga hlawh hnem ber Robert Downey hian khatia a tihtauh chhuah luah luahna chhan sawiin, zawhna kal vel kha a mimal thil riau tawh niin a sawi. "Movie promote tur niin ka hria a, mahse zawhna aṭang erawh kha chuan khatiang lam kha a lang tawh lo a ni," a ti.

Interview-na hmun a chhuahsan chungchangah khan a inchhir em tih an zawt a, Downey chuan, "Teuh nang. Kha ai khan ka lo chhuahsan hma lo a ni," a ti. Mayor thlan dawn ṭuma a chin chhuak thei ang bera zawhna an zawt ang chi kha a ngaina lem lo tih a sawi a, movie promote tur na na na, a hun kal tawha ruihhlo avanga harsatna a tawh leh an chhungkaw chanchin an zawt daih kha a hrethiam lo tih a sawi.