E-music industry a changtlung

North America-ah hian sum a tam a, industry hrang hrang pawh a lian hlawm. Electronic music industry pawh hi a lian hle a, tunah hian he industry hlutzawng hi dollar tld 1.9 zet a tling.

Music hralh te leh stream zawng zawng, festival leh club sum laklouh te, Soundcloud leh DJ technology hralh leh, thil hrang hrang aṭanga electronic music industry-in a lakluh hi a tam tham hle a, khawvel puma e-music industry sum lakluh zawng zawng zaa 30 zet hi North America bikin a lakluh a ni. Khawvel pumin e-music industry aṭanga a sum lakluh hi dollar tluklehdingawn 6.2 zet a ni.

Nielsen data-in a chhut dan ringawtah pawh, dance track bikah, kum 2014 khan share hi 4.6% ngawtin a pung a, kum 2011 level aṭanga chhut chuan a lêt 1 leh a chanve ngawtin a pung a ni. North America-ah hian dance track hi an stream nasat ber palina a tling. An stream nasat ber chu R&B/ hip-hop a ni a, a dawtah rock, pathumnaah pop music a ni.