Liam Payne-a'n a thih hmain naupang dam lo tan sum thawh

One Direction member, Liam Payne chuan a thih hma khan GoFundMe-ah naupang dam lo te tan sum a thawh thu a lo sawi lang. Heng sum hi cancer natna vei leh, school-a inkahna thleng tuartu naupangte tan a thawh tih a sawi. Naupangte ṭanpuina kawnga fuihtu ṭha tak chu a fapa kum sarih mi, Bear a nih thute a sawi bawk.

October 16, 2024-a Argentina-a hotel chhawng thumna aṭanga tlaa boral, Liam Payne-a Snapchap video hrang hrangah naupangte ṭanpuina tura sum a thawh thu a sawi hi hmuh a ni. Hemi rual hian a thiltih avanga mi dangte fak hlawh a tum lo tih sawiin, mi dangten eng angin an ngaih tih chu a ngai pawimawh lo a, naupangte zawk chauh chu a ngaihtuah tih a sawi. Liam boral vang hian Ningania Blackpool-a Britain's Got Talent (BGT) audition neih tur pawh an ṭhulh phah a ni.