Bruno Mars & Rose hla thar 'Apt.' a chhuak

Blackpink member Rose leh Bruno Mars te chuan nimin, October 18, 2024 khan 'Apt.' music video an ti chhuak.

'Apt.' tih chhuah hma ni, Ningani khan artist pahnihte hian an thawh dun thu hi an puang chauh a ni. He hla hi Rose solo album thar tur 'rosie'-a a lead track a ni a, he album-ah hian hla 12 a awm dawn a, December 6 hian a ti chhuak ang. Apt. hla hi catchy leh upbeat tak niin, a music video pawh en a nuam hle. Bruno Mars hi Las Vegas residency final leg atan a inbuatsaih mek a, Apt. hi kumina artist dang a thawhpui pahnihna niin, Lady Gaga nena 'Die With a Smile' an lo ti chhuak tawh bawk a ni.