Angelina Jolie hnenah Maltin Modern Master Award

Santa Barbara International Film Festival (SBIFF) chuan February 5, 2025-a festival 40th anniversary an lawmnaah, actress leh fimmaker Angelina Jolie chu an chawimawina ngaihhlut, Maltin Modern Master Award an hlan dawn tih a puang.

Maltin Modern Master Award hi film industry-a thawh hlawk leh nghawng nei ṭhate hnenan pek ṭhin a ni. Kum 1995 aṭanga pek niin, 2025 aṭang khan Maltin Modern Master Award tih hming hi an vuah a ni. SBIFF moderator leh film critic Leonard Maltin chuan Angelina Jolie hian actress leh director a nih aṭangin huaisen taka thutlukna a siam ngam ṭhin thu a sawi a, midangte tan pawh tehkhawng a siam sang hle a ni, a ti. He chawimawina hi Jamie Lee Curtis, Nicole Kidman, Javier Bardem, Robert Downey Jr, Denzel Washington, Cate Blanchett, George Clooney, Christopher Nolan, James Cameron, Clint Eastwood leh Peter Jackson. te an lo hlan tawh a ni. 40th annual SBIFF hi February 4-15, 2025 chhungin neih a ni ang.