China-ah Furious 7 a hlawhtling

China-ah Furious 7 a hlawhtling hle a, China bikah hian movie tihchhuah tawh zinga sum lalut hnem ber a ni.

A hmaa China rama sum lalut hnem ber movie chu Transformers: Age of Extinction leh Avatar te kha an ni a, tunah hian Transformers hi pahnihna niin, Avatar hi pathumna a ni ta. India-ah pawh Furious 7 hi Hollywood film tihchhuah tawha sum lalut hnem ber a ni.

Hapta li chhung zet North America-a box office aṭangtea sum lalut hnem ber nihna a hauh tawh a, mahse vawiin aṭangin Avengers: Age of Ultron tihchhuah a nih dawn avangin tunkar tawpah hian pakhatna a hauh zui zel thei tawh lo mai thei.