Victoria Monét in naupang lehkhabu ti chhuak dawn

Grammy award pathum la thei, American singer leh songwriter Victoria Monét chuan naupang lehkhabu, picture book 'Everywhere You Are' siamin nakkum June 25 ah a ti chhuak dawn tih a puang.

He lehkhabu hi English leh Spanish a tih chhuah a ni dawn a, Putnam Books for Young Readers kaltlangin tih chhuah a ni ang. Monét chuan he lehkhabu hi nu leh pa thawkrim takte lo chhawkna tura leh, nu leh pa inṭhen avanga naupang rilru nate hnemna tur a ni nghal tih a sawi. A tan a hlu hle tih sawiin, naupang lehkhabu siam chu a thil tih chak, a lo suangtuah ṭhin a nih thute a sawi a ni.