Amtea mipuiin an la thlang ber

JJ Store Dalda Ṭhazual Fakna chart-ah Amtea bawk mipuiin an la thlang a, a zawnin pakhatnaah ṭum hnih a awm ta.

Amtea hian July 18 aṭang khan 'Ka thlang ber che' hla hmangin pakhatna a luah ṭan a, a vawi hnih nan pakhatnaah a awm leh bawk. Ani hi tunlai Mizo mipa, gospel singer zingah chuan a thleng sang pawl a ni a, Ṭhazual Awards sem takah pawh khan Hontrade International Best Male Artist-ah nominate a ni nghe nghe. Amtea hian kum 2014 chho khan 'Ka nghing lo vang' tih hla hmangin chart-ah hian a lo lang tawh ṭhin a ni.

Betea a invawrh sang zel a, 'Ka tan i tuar' tih hla, Good Friday puala Betea tihchhuah chu palina aṭangin pahnihnaah hma a rawn sawn. Stacy-i hla 'Khawngaihna thing kraws' chu pahnihna aṭangin palinaah a chhuk thung a, Cindy Lalramhlimawmi hla 'Aw Thlarau Thianghlim' tih chu pathumnaah a rawn kai.

JJ Store Dalda Ṭhazual Fakna 10-ah hian lang thar an awm lo a, a hmasa mite an la lang vek.

JJ Store Dalda Ṭhazual Fakna

1 Amtea - Ka thlang ber che

2 Betea - Ka tan I tuar

3 Cindy Lalramhlimawmi - Aw Thlarau Thianghlim

4 Stacy VL Muanpuii - Khawngaihna Thing Kraws

5 Chris MS Dawngkima - Thinlungin ka fak ang che

6 Estheri Khiangte - Hmangaihna Hlu

7 One in Christ - Min chhungkhat leh ṭhin

8 Hlimhlimi - I pan ang u

9 Zorinsanga Sailo - Chhandamtu Ngilnei

10 PBK Liankhuma - Ka chung rammawiah