Bourne movie thar ber a hit

Bourne movie kal zel, a thar ber, Jason Bourne tih chu box office-ah pakhatna a rawn ni a, mahse Bourne film chhuak hmasa, The Bourne Ultimatum erawh a tluk pha chiah lo.

Kum 2007-a tihchhuah, The Bourne Ultimatum khan opening week-ah USD mtd 69.3 a lalut a, tuna Bourne film pangana, Jason Bourne hian kar tawp chhung khan USD mtd 60 a hmu chhuak thung. Bourne tharah hian Matt Damon bawk a chang leh. Box office analyst, Paul Dergarabedian chuan, "He film hlawhtlinna aṭang hian Matt Damon hi actor hlawhtling berte zinga mi a ni tih a tilang a, poster-a a hmel a lan ringawt pawhin mi tam tak a hip a ni," a ti.

Kar hmasaa pakhatna, Star Trek chu pahnihnaah a awm a, kar tawp ni thum chhung khan USD mtd 24 lai a thawk chhuak thei. Mila Kunis channa, Bad Moms chuan USD mtd 23.4 a lalut a, The Secret Life of Pets chuan USD mtd 18.2 lalutin pangana a ni.

Box office movie

"Jason Bourne" - $mtd 60

"Star Trek Beyond" - $mtd 24

"Bad Moms" - $mtd 23.4

"The Secret Life of Pets" - $mtd 18.2

"Lights Out" - $mtd 10.8

"Ice Age: Collision Course" - $mtd 10.5

"Ghostbusters (2016)" - $mtd 9.8

"Nerve" - $mtd 9

"Finding Dory" - $mtd 4.2

"The Legend of Tarzan" - $mtd 2.4