Khiangte Construction Ṭhazual Lengzem: Latei Hringngen X CT Tluangtea ten hma an hruai

Khiangte Construction Ṭhazual Lengzem chart tharah, Latei Hringen leh CT Tluangtea chuan 'Rimawi leh hmangaihna' chuan hma rawn sawn zelin, chart hmahruaitu a rawn ni ta.

Zaithiam leh rapper inkawp fuh tak, Latei leh CT Tluangtea te hian 'Rimawi leh hmangaihna' music video hi August 30, 2024 khan an ti chhuak a, an hla a mawiin ngaihthlak a nuam a, a music video pawh thlir a nuam hle. Duhtu an tam a, view pawh a pung chakin view mtd 2 chuang an nei der tawh. A hla thu leh a thluk hi CT Tluangtea phuah leh siam a ni a, music hi Omega kut chhuak a ni thung. Bass guitar Alan LZF niin, video hi Osiama Pictures & Tinas Production siam a ni. Latei Hringen hian a single, 'Par ang' tih chu Top 10-ah a lanpui bawk.

Siampuii Ralte pawhin hma sawnin, 'Lengi' chu Ṭhazual Lengzem chart-ah pahnihnaah a rawn chho a, he hla hi The Radio band-a Philip Lalremruata phuah niin, music hi Smiley kut chhuak a ni thung. A music video hi Reuben Lalmalsawma siam a ni.

Zothana ft Zodini 'Kumtluang' chu No 3-ah a awm a, Zaii Hauchhum pawhin a hla thar 'Thawnthu hlui' chu No 4-ah rawn lanpuiin, Top 5 hi Smileh x Hex Da Marshall ten 'Min hrilh rawh' tiin an rawn khar.

Ṭhazual Lengzem Top 10-ah hian Rosalind Khawlhring, R. Lalhmingmawia leh The Radio x Saiwannah Sailo te an lang bawk a ni.