Netflix Christmas Special-ah 'Thomas & Friend' chhuak dawn

Mattel Television Studios chuan Christmas Special-ah 'Thomas & Friends: The Christmas Letter Express' chu Netflix-ah a ti chhuak dawn. November 21-ah US bakah ram dang eng emaw zatah pek chhuah a ni dawn a, India ramah pawh en theih a ni ang. United Kingdom, Latin America, Italy, France, Poland leh Turkey-ah chuan nakkum lamah tih chhuah a ni thung ang.

'Thomas & Friends: The Christmas Letter Express' hi Rick Suvalle ziah niin, Erica Prouncier chu score composer a ni. Original holiday song pathum a awm dawn a, Thomas-a best friend, Percy-a'n Krismas urlawk nia Santa Claus hnena naupang pakhat lehkha a hmuh chungchang niin, an ṭhianhoa lehkha thawntu naupang thil duhte tihlawhtling tura an hma lak dan chanchin a ni. Christmas Special bakah hian Mattel chuan Thomas & Friends toys thar a ti chhuak tel dawn bawk a ni.