Rosé in Spotify-ah record a siam

Blackpink Rosé leh Bruno Mars te hla thar, 'APT' chuan internet lamah thawm a nei ring hle a, Spotify-ah an tih chhuah ni hian stream mtd 6.85 chuang niin Global Chart-ah No 3 a ni nghal. K-pop hmeichhe soloist zingah hetiang dinhmun thleng thei hi an la awm lo.

Bruno Mara pawhin Lady Gaga nena an hla, 'Die With a Smile' in tlangzarh nia stream md 4.58 neia record a siam chu a khumin, a hla tih chhuah tawha tlangzarh nia Spotify-a stream a ngah ber ṭum a ni ve bawk. 'APT' hian a ni hnihnaah stream mtd 10.18 neiin Global Chart0ah No 2 a ni bawk a ni. K-pop hmeichhe soloist zingah global chart0ah No 2 ni thei hi Rosé hma hian Blackpink-a a member pui, Jennie chiah a la awm a ni. 'ATP' hi tih chhuah a nih aṭangin a awmzia zawhna a tamin, internet-ah pawh search a hlawh nghal hle. Korean drinking game, 'Apateu' tih aṭanga an siam niin, Rosé pawhin a tirah chuan drinking game aṭanga hla siam tih chhuah a hreh a, a team pawh delete tura a lo hrilh hman thu a sawi.