'Deadpool & Wolverine' in 'Barbie' a khum

'Deadpool & Wolverine' chuan North America-a sum lak luh tamah 'Barbie' a khum ta a, dollar mtd $636.3 a la lut tawh. 'Barbie' hian domestic-ah USD mtd $636.2 a la lut a ni.

Marvel 'Deadpool & Wolverine' hi North America-ah sum la lut tam 12-na a pha tawh bawk. Hetih lai hian khawvel huapah chuan 'Barbie' a la pha lo thung. 'Barbie' hian global box office-ah USD tld 1.446 a la lut tawh a,'Deadpool & Wolverine' hian USD tld 1.335 a la lut thung. Mahse R-rated movie zingah erawh sum la lut tam niin, kumina film tih chhuah zingah Inside Out 2 dawtah sum la lut tam ber a ni bawk. Marvel Cinematic Universe-ah 'Deadpool & Wolverine' hi sum la lut tam pasarihna niin, 'Iran Man 3' a khum tawh bawk a ni.