'Ticket to Hornbill'-ah The Prophets pahnihna; Mizoin Best Guitarist leh Best Keyboardist dawng

Hornbill Festival khuh hawnna atana Nagaland sokarin band intihsiakna a buatsaih, 'Ticket to Hornbill' grand finale chu Thawhṭanni, October 21, 2024 zan khan Kohima-a RCEMPA Jotsoma-ah neih a ni a, Nagaland band 'Fifth Note' chu pakhatna niin, Mizo band 'The Prophets' chu pahnihna an ni. Pathumna chu Project Anonymous, Nagaland an ni.

India rama band battle lian ber, 'Ticket to Hornbill' a pakhatna hian lawmmanah Rs nuai 20 an dawng a, pahnihnain Rs nuai 10 leh pathumnain Rs nuai 5 an dawng a ni. Finale-ah hian band 10 an inel a; Mizoram band pahnih, The Prophets leh Yugen te an tel.

Mimal lawmman sem ni bawkin, musical equipment an dawng. Mimal lawmman atan hian Rs nuai 5 hu an seng a ni. Yugen keyboardist Lalnghakliana Ralte chu Best Keyboardist ah thlan niin; Eric Renza, The Prophets chu Best Guitarist ah thlan a ni bawk.