Johnsson - rilṭamte tan puarna

The Avengers: Age of Ultron-a changtunu, Scarlett Johansson chuan rilṭamte tana puarna leh tlaina nih a tum a, ei tur nei loten ei tur an neih theihna turin chak lehzuala hmalak a tum.

Khawvela ram ropui bera kan ngaih US-ah hian tlai puar khawp ei tur nei lo hi a sang têl an awm a, mi tam tak khu an nileng hman dan chawhruala ei tur neih loh vanga rilṭam reng ang an ni. Hetiang hi a bo theihna turin Scarlett Johansson chuan hmalak a tum.

"America-ah hian naupang tam takin chaw kawpuar ei tur an nei lo a, hei hi kan siamṭhain kan tibo thei a ni. Tunah hian America-a naupang maktaduai 16 zet chuan ei tur puar khawp an nei lo a, hei hi America-a naupang panga zela pakhat ang an tling a ni. Mi tam tak an ei sên loh tam tham tak tak an paih reng lai hian puar khawp ei tur nei lo heti zat hi an awm a ni," a ti.